Honatx Mukuru musikari kolektiboaren udazkeneko buletina. Kolektiboaren parte garen musika proiektuen nondik norakoak aurkezten dizkizugu bertan. Nahi izan ezkero korreoz jaso dezakezu:   HARPIDETU HEMEN Mukuru osatzen duten proiektuei buruzko berriak: Birkit Hemen da Birkit-en EP berria, kalean, sarean eta biniloan! "Erosen heriotzak" du izena eta Zarauzko Noise estudioan grabatu dute, Ander Barriusoren gidaritzapean. Disko tematikoa da, maitasun erreal eta idealizatuen arteko borrokaren ingurukoa. Lan honetarako Claudio Pavan baterijole berriaren parte hartzea izan dute. Entzun hemen Hatxe Panpin Orkestrarekin egindako kontzertuko 3 kantu argitaratuko ditu urte honen hondarretan. Horiekin batera 2 bideo ere aterako ditu. Hortaz gain urriaren 25ean kontzertua eskainiko du, bakarka, kutxa fundazioan Eneritz Furyak- ekin batera. Txost! Txost! taldeak 2024ko Brinkolako festetako pregoia eman zuen (Brinkolako Txalaparta Taldearen laguntzaz) modu berezi, alai eta aldarrikatzailean. Abenduaren 15ean Antzuolan ariko dira "Gehiago gara" ekimenaren bigarren aurkezpenean. Isuo Isuo burubelarri ari da 2025. urtean argitaratuko duen disko berria lantzen. Antzuolan aurrerapentxo bat eskaini zuen zuzenean, Irimo Bizirik elkartearen ekitaldi batean. Urtea amaitu aurretik grabatzen hasiko da. Peru galbete Peru Galbete bizirik dago eta jarraitzen du kantatzen. Hortaz aparte, "Ilargi gorri" antzerki piezaren soinu banda osatu berri du Maider Lasarekin batera, "Nunavut" dantza ikuskizunarekin emanaldiak egiten dabil, "Anekume" filmaren grabaketan parte hartu du... Paxkal Irigoyen Maia Iribarnerekin batera martxan jarritako Bloñ proiektuarekin oihartzun ederra lortu dute, teloiaren gibelean ordea bakarkako disko berria izango dena su txikian lantzen darrai. Gori Gori Ander Fernandez eta Ainara Gurrutxagaren musika proiektu berria da Gori Gori. Urrian 3 kantu argitaratu dituzte, ematen ari diren zuzenekoen aurrerapen moduan. Azaroak 1ean Bonberenean izango dira Eneritz Furyak- ekin batera eta abenduaren 5ean Baionan, Barnez kanpo-rekin, St esprit bistroan. Entzun hemen Ekhi Lambert Zuzeneko formatu ezberdinetan oholtzaz oholtza dabil Ekhi azken hilabeteetan. Bakarka, biko zein lau edo 9ko formatuan ari da han-hemenka. Udazkenean zehar zuzeneko bideoak argitaratuko ditu. Hegazkin Alayn Carazok eta Isuok osatzen duten taldea lanean ari da 2025ean argia ikusiko duen EPa prestatzen. Arnas luzeko elektronika giroak datoz! Nigara zuek Gori Gori bikoarekin ibiltzeaz gain, Dejabu laborategiaren antzezlan berriaren soinu banda sortzen dabil burubelarri Ander. Urtarrilean estreinatuko da eta soinu banda diska moduan agertuko da agian... Kadira Lorea Zulaikaren Kadira proiektua lozorroan dagoen arren kanta berrixetan lanean hasten dabiltza. Laster izango dugu haien berri gehiago.

Bere bakarkako bigarren diskoarentzat, Ekhi Lambertek hainbat musikarirekin obra oparo, zorrotz eta anbiziotsua sinatzen du. Inbasioak diska anitza iragartzen da, bazter, xoko eta pasabidez betea. Pop orkestralaren ildoan, musikari desberdinen laguntzarekin gauzatu izan du lan hori : hauek dira Oiasso Kameratako sokak, Joseba Irazoki, Félix Buff, Oihan Oliarj-Ines, Ludovic Leriche… Diskoa 2023ko primaderan grabatua izan da Garate (Kaki Arkarazo) eta Shorebreaker (Johannes Buff) estudioetan. Taula gainean, kantagintza eta poesiari lehentasuna emanez, Ekhi Lambertek seikote edota bikote moduan aurkezten dizkigu bere kantu berriak. Lehen partituretatik azken grabaketa sesioak arte, amets batek arrarokeriak bizikide egiten dituen gisan, Ekhi Lambertek atmosfera elegante eta epiko baten jostea lortu du. Musika orkestral horren lerroetatik at, askatasun espazio handiak utzi izan zaizkie musikariei. Hastapen batean lan bakartia zena kolektiboa bilakatu da, nolazpait inbaditua. Orkestrak gailur magnetikoak igaiten dituenean ere, sinfoniak ahots bakartiaren oihartzuna xumeki segitzen du, olerki labur batzuen musikatzekotan. ENTZUN